Plantun de Prouvènço

Pèr coumpara dos planto d'encò nostre

Sagittaria sagittifolia & Briza minor

Sagittaria sagittifolia

Alismataceae

Noms en français : Sagittaire, Flèche-d'eau.

Descripcioun :
La flècho-d'aigo es uno planto proun raro au nostre au contro de l'uba de l'Éuropo. Trachis dins quàuqui relarg bagna de Prouvènço dóu couchant. Es uno planto eisado de recounèisse emé si fueio en flècho ; soun li fueio dins l'èr. Fai peréu de fueio longo en riban que pousson dins l'aigo (fueio primàri). Li flour soun poulideto, femello en bas e masclo en aut de l'enflourejado.

Usanço :
Lou rizoumo èi manjadis (crus o cue), s'acampo à l'autouno (mai pas encò nostre que n'i'a gaire !). Dins d'ùni païs s'en fai de galeto emé la feculo. Lis indian d'Americo quichavon li rizoumo fres emé d'aigo e piéi criblavon tout acò pèr leva li fibro.

Port : Erbo
Taio : 20 à 60(150) cm
Fueio : costo paralèlo
Tipe bioulougico : Idroufite
Cicle bioulougico : Planto renadivo

Gènre : Sagittaria
Famiho : Alismataceae

Ordre : Alismatales

Coulour de la flour : Blanco
Petalo : 3
Ø (o loungour) flour : 15 à 20 cm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun

Liò : Aigo - Ribiero - Roubino
Estànci : Mesoumediterran à Coulinen
Couroulougi : Éurasiatico
Ref. sc. : Sagittaria sagittifolia L., 1753

Pichoto-amoureto

Briza minor

Poaceae Graminaceae

Àutri noum : Amoureto, Erbo-d'amour, Tramblanto, Pan-de-passeroun, Erbo-tremblanto.

Noms en français : Petite Amourette, Petite Brize.

Descripcioun :
Vaqui la mai pichoto de nòstis amoureto que trachis dins li relarg bagna, coume li prado umido e li mueio sus sòu safrous. Se recounèis à sis espigueto de mens de 5 mm de long e à sa grando lengueto de mai de 2 mm. Lis antèro soun peréu proun courteto. Coumpara emé l'amoureto que ié sèmblo proun.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 15 à 60 cm
Fueio : costo paralèlo
Tipe bioulougico : Teroufite
Cicle bioulougico : Planto de l'an

Gènre : Briza
Famiho : Poaceae
Famiho classico : Graminaceae

Ordre : Poales

Coulour de la flour : Vióuleto
Petalo : ges
Ø (o loungour) enflourejado : 60 à 80 mm
Flourido : Printèms - Estiéu

Sòu : Si
Autour basso e auto : Pancaro entresigna
Aparado : Noun
Mai à avoust

Liò : Prado umido - Bos clar - Pelouso - Terraire safrous
Estànci : Termoumediterran à Mountagnard
Couroulougi : Cousmoupoulito
Ref. sc. : Briza minor L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Sagittaria sagittifolia & Briza minor

ges

Coumpara Flècho-d'aigo emé uno autro planto

Coumpara Pichoto-amoureto emé uno autro planto